انت الأمير وهم لك خادمون

لا تتمــــادى فى الغياب يــــا قمرا ً تداعى السـهـــر

أتعبنى شوقى إليك ومن شوقى تعجب منه الليل وانبهر

حيــائى يمنعنى من فـــك ضفائرى وذاك ما يؤسفنى

كيف لى أن أقهر خجلى وعن باقى الإناث ذاك ما يميزنى

تسعى النجوم جاهده ً لإرضائى وكل حين بالهدايا لى قـــادمون

لا يعيرنى من هم انت اجملهم فاتركهم فى اوهامهم يرتعون

ولا تغار منهم فانت الأمير وهم لك خادمون

ـــــــــــــــــــــــــــــــــــــ

بقلم ريـمــــان

هفتقد الحنان اللى فى عنيك+تنويه

تنويه :يا جماعه ايناس " ابتسامه ملاك " _ عاشقه الاحزان سابقا تعبانه جدا من فضلكم ادعولها تخف وترجع لنا بالف سلامه
وهى بتسلم عليكم كلكم شفاكى الله وعفاكى يا نوسه سلامتك يا قمر يا حبيبتى

صوره الطفل تامر وهو بين ايديا

كنت متعوده دايما ازور دار الإيواء والايتام

افتكر من وانا فى اول كليه اتعلقت بطفل هناك وحبيته جدا ومره روحت عشان اجيبله هدوم العيد وافرحه لقيته مش موجود فى الدار

عرفت ان فى حد اتبناه زعلت شويه بس قولت هو اكيد فى مكان احسن الوقتى ودعيت ان ربنا يسعده

ـــــــــــــــــــــــــــــــــــــــــــ

الفتره اللى فاتت دى لفت نظرى فى دار الايواء الطفل تامر اللى انتوا شوفتو صورته فوق

الطفل ده دخل الدار وهو عنده يومين

واحد لقاه مرمى جمب صندوق زباله البرد اكل جسمه حسبى الله ونعم الوكيل فى اللى سابته او اللى سابه كده

مش عارفه ليه لفت نظرى الحزن اللى جوه عنين تامر

عمرى ما شوفت طفل جوه عنيه حزن بالشكل ده

لدرجه انه بقى معروف فى الدار بالطفل الكئيب او الحزين

ـــــــــــــــــــــــــــــــــــــــــــ

مش عارفه ليه بقيت بزوره كتير اوى يوم ورا يوم او يوم بعد يوم حبيبته لدرجه محدش يتخيلها

كل العاملين فى الدار لاحظوا ان تامر كمان اتعلق بيا لانه من بعد ما انا امشى واسيبه بيصرخ ويعيط خصوصا باليل وواحده من المربيات قالتلى ان تامر بيلفت نظره اى حد لابس اسود لان ده بيفكره بلون نقابى

ـــــــــــــــــــــــــــــــــــــــــــــــ

حتى كمان كتير اوى من العاملين بدار الايواء لاحظوا ان تامر فيه شبه منى كبير جدا فى الملامح

ــــــــــــــــــــــــــــــــــــــــــــ

افتكر مره دخلت الدار ولقيت حد بيعيط دخلت الاوضه فتحت النور لقيت تامر هو اللى بيعيط اتارى انه جعان وحد كان حاطط ببرونه اللبن على صدره عشان هو يشرب من نفسه بس هو مكنش عارف لان الببرونه اتزحلقت وبقت تسقط لبن على رقبته وهو صغير مش عارف يمسكها

المهم انا نضفته وخليت المربيه تغير هدومه وشربته اللبن وحضنته جامد ساعتها لقيته بيبتسم

ولاول مره ااشوف ابتسامته ساعتها عرفت ان ابتسامته عزيزه اوى

ــــــــــــــــــــــــــــــــــــــــــــ

واحد من المربيات قالتلى مينفعش تامر يتعلق بيكى كده

انتى بتعطيه الحب والحنان بالنهار وهو باليل بيصرخ بيعيط واحنا منقدرش نعطيله اللى انت بتعطيهوله لان فى هنا اطفال كتير غيره واحنا مش ملاحقين عليهم وهما بجد ربنا يكون فى عونهم

ـــــــــــــــــــــــــــــــــــــ

المهم قررت انى ابعد شويه بس كنت بخلى اختى تروح تطمن على تامر وتقولى اخباره

فى يوم لقيت اختى جايه تقولى ان تامر مشى فى حد اتبناه

انا والله نمت فى السرير ودرجه حرارتى ارتفعت

مش قادره اتصور انى مش هشوفه تانى

**بس بجد يا تامر انا بدعى لك ان يكون المكان اللى انت فيه الوقتى احسن من دار الايواء

ويا رب تكون سعيد وتعيش حياه كريمه ومش تحس ابدا انك اقل من اى حد فى الدنيا

انا مش هنساك ابدا وهفضل ادعى لك من قلبى

على قد ما انا زعلانه انى مش هشوفك تانى وقلبى بيتقطع بس انا فرحانه انك على الاقل هتلاقى حد يضمك باليل ويعطيك الحنان اللى انت كان ممكن تفتقده فى الدار

بس الشىء اللى هفتقده بجد

هو نظره عنين تامر اللى كنت بستمد منها شىء من السعاده

للأسف عاطفه الامومه جوايا اكبر واعمق من اى عاطفه تانيه